Ing wekdal menika kerep dipunprangguli reribed saben ngginakaken basa Jawi krama. Mangka basa Jawi, inggih kalebet basanipun krama, tetep dipunuri-uri murih terus gesang lan ngrembaka. Pramila lajeng tuwuh mawarni-warni pambudidaya saha sarana ingkang dipunangge mbiyantu kadospundi caranipun migunakaken basa krama kanthi sae lan leres. Kula kekalih kamus menika ugi kepengin badhe tumut-tumut caos sarana pisumbang ingkang awujud Kamus Unggah-Ungguh Basa Jawa menika, ingkang dipunkantheni terjemah basa Indonesia. Kamu menika ngemot tigang prakawis, inggih menika: (1) Tujuan ingkang pokok suka pambiyantu kadospundi caranipun ngecakaken unggah-ungguh basa Jawi; (2) Andharanipun winates mawi seserepan basa krama tataran dhasar, kanthi ancas amrih kamus menika kenging dipunangge ing Lembaga Pendidikan Dasar (SD lan SLTP) saha dening pasrawungan ing masyarakat Jawi; (3) Katrangan lan tuladha-tuladha dipunkantheni basa Indonesia, ing pangangkah mugi kamus menika ugi kenging dipunangge dening para sutresna ingkang saweg miwiti sinau basa Jawi alandhesan basa Indonesia.