Kanthi bingahing ati, kawula saged nyusun buku kangge umat; 'Tata Car Sembahyangan Ekaristi'. Buku punika sampun dangu dipun ajeng-ajeng umat, khususipun umat stasi-stasi ing Paroki Rembang. Wonten bebasan, klungsu-klungsu yen melu udhu, ateges kanthi buku punika kawula sakedhik-sakedhik saged urun rembag, bahu saha pikiran, ngladosi punapa ingkang dipun betahaken umat, kangge sarana ngibadhah saben Minggu. Buku punika kapethik saking Tata Laksana Bojana Ekaristi, Padupan Kencana saha Kidung Adi, ingkang sampun kawula impun, supados saged langkung gampil cak-cakanipun utawi panggaggenipun.